काठमाडौँ । नेपाली कांग्रेसका प्रवक्ता डा प्रकाशशरण महतले नक्कली भुटानी शरणार्थी प्रकरणमा पक्राउ परेका पूर्वगृहमन्त्री बालकृष्ण खाणकी पत्नी मञ्जु खाणलाई पार्टी फलो नगरेको बताउनुभएको छ ।
मंगलबार आयोजित पत्रकार सम्मेलनमा उहाँले भन्नुभयो, “मञ्जु खाँण कहाँ हुनुहुन्छ पार्टीले फलो गरेको छैन, दूधको दूध पानीको पानी आओस्। कांग्रेसले सहयोग गर्छ ।”
उक्त प्रकरणमा बालकृष्ण पक्राउ परेपछि उहाँकी पत्नी मञ्जु प्रतिनिधिसभा बैठकमा देखिनुभएको छैन भने पति बालकृष्ण खाँणलाई भेट्न गएको पनि देखिएको छैन ।
डा महतले नक्कली भुटानी शरणार्थी प्रकरणमा पार्टी सभापति शेरबहादुर देउवाले पनि निष्पक्ष र स्वतन्त्र अनुसन्धान होस् भनिरहेको जानकारी दिनुभयो । “पार्टी सभापतिको मौनता छैन । निष्पक्ष र स्वतन्त्र अनुसन्धान होस् भनी भनिरहनु भएको छ । धेरै बोल्ने उहाँको बानी छैन”, उहाँले भन्नुभयो ।
यो प्रकरणमा देउवा पत्नीसमेत रहेकी सांसद आरजु राणालाई पनि सामाजिक सञ्जाल र मिडिया ट्रायल गरेर दोषी देखाउन खोजिएको भन्दै प्रवक्ता डा महतले भन्नुभयो, “आरजुजीले आफैँ प्रतिरक्षा गरिरहनु भएको छ ।
