काठमाडौँ । नक्कली भुटानी शरणार्थी प्रकरणमा पक्राउ परेका टोपबहादुर रायमाझी प्रतिनिधि सभा सदस्यबाट निलम्बित भएका छन् ।
सोमबार उनलाई सांसदबाट निलम्बन गरिएको जानकारी सभामुख देवराज घिमिरले संसद बैठकमा पढेर सुनाउनु भएको हो ।
प्रहरीले रायमाझीलाई गएराति बुढानीलकण्ठबाट पक्राउ गरेको थियो । पक्राउ गरेको सूचना संसद् सचिवालयमा पुगेपछि रायमाझी सांसदबाट निलम्बनमा परेका हुन् ।
यसअघि वैशाख २७ गते नेकपा (एमाले)ले पार्टी सचिवबाट रायमाझीलाई निलम्बन गरेको थियो ।
