काठमाडौँ । राजनीतिक दलले निर्वाचन आयोगमा बुझाएको लेखा परीक्षण प्रतिवेदनमाथि आयोगले आशंका व्यक्त गरेको छ । विवरण र रकमको हिसाबकिताब नमिलेको पाइएपछि निर्वाचन आयोगलेल महालेखा परीक्षकको कार्यालयबाट नै परीक्षण गराउने भएको छ ।
राजनीतिक दलले संस्थागत स्रेस्तामा एक प्रकारको र आयोगमा बुझाएको प्रतिवेदनमा अर्को खालको विवरण हुनसक्ने आंशका व्यक्त भएपछि निर्वाचन आयोगले यसप्रकारको निर्णय गरेको हो ।
त्यसका लागि आयोगले महालेखा परीक्षकको कार्यालयलाई विशेषज्ञ कर्मचारी परितालन गरिदिन अनुरोधका साथै विशेषज्ञ कर्मचारयको कार्यदेशसमेत तय गरेको आयोगका कानुन तथा राजनीतिक दल व्यववस्थापन महाशाखाका प्रमुख यज्ञप्रसाद भट्टराईले जानकारी दिनुभयो ।
आयोगमा ८२ राजनीतिक दलले समयमै लेखा परीक्षण प्रतिवेदन पेस गरेका थिए । संघीय संसदमा प्रतिनिधित्व गर्ने राजनीतिक दलको आय व्यय विवरणमाथि शंका लागेपछि आयोगले लेखा परीक्षणलाई दलको कार्यालयमै गई जाँचबुझ गर्र्न विशेषज्ञ परिचालन गर्ने भएको हो । यो समाचार आजको गोरखापत्रमा प्रकाशित छ ।
