काठमाडौं । प्रधानमन्त्री पुष्पकमल दाहालले शीर्ष तीन दलका नेताबीचको छलफल संसद सन्चालन सन्दर्भमा केन्द्रित रहेको बताएका छन् ।
कांग्रेस सभापति शेरवहादुर देउवा र एमाले अध्यक्ष केपी शर्मा ओलीसँगको छलफलपछि सिंहदरवारबाट बाहिरिने क्रममा प्रधानमन्त्रीले पछिल्ला भेटघाटबारे भ्रम फैलिएको भन्दै ती भेट संसद सन्चालन सन्दर्भमा केन्द्रित रहेको दाबि गरे ।
प्रधानमन्त्रीले भेटमा संसद संचालन,संयुक्त र विषयगत संसदीय समिति गठन लगायतका विषयमा छलफल केन्द्रित रहेको प्रतिक्रिया दिए । ‘मिडियाहरुमा आएजस्तो पछिल्ला प्रकरणमा यो छलफल भएको होइन । सदनलाई कसरी सुचारु ग्र्ने,समितिहरु ग्ठन गर्ने विषयमा बढी छलफल भइरहेको छ । जहाँसम्म यो पछिल्लो घटनाबारे छ,दोषी कोही नउम्कियोस र निर्दोष कोही नपरोस् भन्नेमा हामी एकमत छौं’, प्रधानमन्त्रीले भने ।
