एजेन्सी । इंग्लिस प्रिमियर लिग फुटबल अन्तर्गत टोटेनहमले हार ब्यहोरेको छ । आइतबार राति भएको खेलमा टोटेनहम वल्भ्ससँग आफ्नै मैदानमा २-० गोलले पराजित भएको हो ।
खेलको छैटौँ मिनेटमा नै राउल जिमनेजले गोल गर्दै वल्भ्सलाई सुरुवाती अग्रता दिलाएका थिए । १८ औं मिनेटमा लिन्डर डेन्डनकरले गोल गर्दै वल्भ्सको अग्रता दोब्बर पारे । त्यसपछि खेलमा थप गोल हुन सकेन र खेल वल्भ्सको पक्षमा गयो ।
जितसँगै २३ खेलबाट ३७ अंक जोड्दै वल्भ्स तालिकाको सातौं स्थानमा रहेको छ भने एक खेल कम खेलेको टोटेनहम ३६ अंकसहित आठौं स्थानमा छ ।
यस्तै गएराति नै भएको अर्को खेलमा लेस्टर सिटी र वेस्टहाम युनाइटेडले बराबरी खेलेका छन् । दुबै टिमले २-२ गोलको बराबरी खेल्दै अंक बाँडेका हुन् ।
लेस्टरको मैदानमा भएको खेलको १० औं मिनेटमा वेस्टहामले जारोर्ड बोएनको गोलबाट सुरुवाती अग्रता बनाएको थियो । यता, ४५ औं मिनेटमा लेस्टरले पेनाल्टी पायो । योरी टिलेमान्सले सो अवसर खेर जान दिएनन् र खेललाई १-१ को बराबरीमा ल्याए ।
५७ औं मिनेटमा रिकार्डो पेरेइराले गोल गर्दै लेस्टरको अग्रता २-१ बनाए । तर, ९०ं+१ मिनेटमा डासनले गोल गर्दै वेस्टहामलाई हारबाट जोगाए ।
बराबरीसँगै २५ खेलबाट ४१ अंकसहित वेस्टहाम तालिकाको चौंथो स्थानमा रहँदा २२ खेलमा २७ अंकसहित लेस्टर ११ औं स्थानमा छ ।
