एजेन्सी । रुसले युक्रेनमाथि क्रेमलिनमा राति ड्रोनमार्फत दुई वटा आक्रमणको प्रयास भएको बताएको छ । रुसी अधिकारीहरुले यो आक्रमणलाई युक्रेनले गरेको र राष्ट्रपति भलाद्मिर पुटिनको ज्यान लिने प्रयास अन्तर्गत भएको दाबी गरेका छन् ।
रुसले यसलाई चरमपन्थी कारबाही भनेको छ । यो घटनाबारे हालसम्म स्वतन्त्ररुपमा भने पुष्टि भएको छैन । तर यसबारेमा युक्रेनले भने अस्वीकार गरेको छ । युक्रेनका राष्ट्रपति भोलोद्मिर जेलेन्सकीका प्रवक्ताले युक्रेन यतिबेला रुसले कब्जा गरेको आफ्नो भूमि लिनमा मात्रै केन्द्रित भएको बताएका छन् । युक्रेनी अधिकारीहरुले रुसले यो घटनाको जिम्मेवारी युक्रेनमाथि देखाएर ठूलो आक्रमणको प्रयास गरेको हुनसक्ने बताएका छन् ।
रुसले क्रेमलिनलाई निशाना बनाएर गरिएका ती दुई आक्रमणलाई इलेक्ट्रोनिक रडारका माध्यमबाट निष्क्रिय पारिएको छ । क्रेमलिनले भनेको छ, ‘गए राति युक्रेनले क्रेमलिनस्थित रुसी राष्ट्रपतिको निवासमाथि मानवरहित ड्रोन आक्रमणको प्रयास गरेको छ ।’
