काठमाडौँ । नेकपा एमालेले राष्ट्रिय आविष्कार केन्द्रका संस्थापक महावीर पुनको आन्दोलनप्रति ऐक्यबद्धता जनाएको छ ।
संस्थापक पुनले गत शुक्रबारदेखि विभिन्न माग राखेर आन्दोलन जारी राखेका छन् । वैज्ञानिक अनुसन्धान तथा नवप्रवर्तन लागि सरकारले कोष स्थापना गर्नुपर्नेलगायतका मागसहित पुन माइतीघरमा धर्नामा बसेका हुन् ।
आइतबार दिउँसो धर्नास्थल पुगेर एमाले प्रमुख सचेतक पदम गिरीले पुनले राखेका मागहरूप्रति एमालेको ऐक्यबद्धता रहेको बताए ।
‘पुनले उठाउनुभएको मागप्रति एमालेका ७९ जना सांसदको ऐक्यबद्धता रहेको छ’, गिरीले भने ।
यसअघि विभिन्न दलका नेताहरु पनि माइतीघर पुगेर पुनको आन्दोलनमा समर्थन जनाएका छन् ।
