काठमाडौँ । राष्ट्रिय प्रजातन्त्र पार्टीका प्रवक्ता मोहन श्रेष्ठले राजसंस्था मान्नेहरु फटाहा, मुर्ख र अज्ञानी हुन्छन् भन्ने एमाले अध्यक्ष केपी ओलीको अभिव्यक्ति प्रति कडा आपत्ति जनाउनु भएको छ ।
पछिल्ला केही दिन यता एमाले अध्यक्ष ओलीले आक्रामक अभिव्यक्ति दिदै आउनु भएको छ । ओलीको अभिव्यक्ति पछि प्रवक्ता श्रेष्ठले सामाजिक संञ्जालमा लेख्नुभएको छ-
राजसंस्था पक्षधर ठूलो पंक्तिको आस्था र भावनामा चोट पुग्ने गरि एमाले अध्यक्ष केपी ओलीको अभिव्यक्ति आपत्तिजनक र दुर्भाग्यपूर्ण छ। राजसंस्था मान्नेहरु फटाहा, मुर्ख र अज्ञानी हुन्छन् भन्ने उहाँको अभिव्यक्ति असहिष्णु र विद्वेषपूर्ण छन् । आफ्नो अभिव्यक्ति फिर्ता लिन अनुरोध गरिन्छ । संगसंगै प्रश्न पनि गर्न चाहन्छु- ‘०६३ सालसम्म के ओलीजीहरु पनि फटाहा, मुर्ख र अज्ञानी हुनुहुन्थ्यो ? ‘
नेकपा एमालेका अध्यक्ष केपी शर्मा ओली सहभागी हुने कार्यक्रमस्थल बाहिर प्रहरी र प्रदेशको नाम कोशी नामाकरण गरिएको भन्दै विरोध गरिरहेको समूहबीच झडप भएको थियाे ।
बैशाख १३ गते बुधबार झापामा ओली सहभागी भएको कार्यक्रमस्थल बाहिर प्रहरी र प्रदेशको नाम कोशी नामाकरण गरिएको भन्दै विरोध गरिरहेको समूहबीच झडप थियो भने ईलामको कार्यक्रममा उहाँमाथी कालोझण्डा देखाउदै बिरोध भएको थियो । तर एमाले अध्यक्ष ओलीले पूर्ब युबराज्ञी हिमानी शाहको फेक ट्वीटमा आएको कुरालाई लिएर राजसंस्था माथी आक्रोशपूर्ण अभिव्यक्ति दिदै आउनु भएको छ ।
ओलीले भन्नुभएको थियो ‘ज्ञानेन्द्र साह, उनको परिवार र उनकी बुहारी जान्ने भएर जनताले ढुंगा हानेको देखिछन् । अनि ट्वीट गरिगरिकन जनताले केपी ओलीलाई ढुंगा हाने रे ।’
