काठमाण्डौं । आगलागीमा परी गम्भीर घाइते भई भारतमा उपपचाररत कांग्रेस नेता तथा संघीय सांसद डा चन्द्र भण्डारी आईतबार स्वदेश फर्कने भएका छन् ।
फागुन ३ गते राति काठमाण्डौं बुद्धनगरस्थित निवासमा ग्यास लिक भएर आगलागीमा परेका भण्डारीलाई नेपालमा उपचार सम्भव नभएपछि फागुन ४ गते भारत लागिएको थियो ।
आगलागीमा गम्भीर घाइते भएकी उनकी आमा हरिकलाको भने उपचारको क्रममा किर्तिपुरस्थित बर्न अस्पतालमा निधन भएको थियो ।
भारतको मुम्बईस्थित नेशनल बर्न सेन्टरमा उपचाररत भण्डारी आइतबार दिउँसो २ः५५ बजेको नेपाल वायुसेवा निगमको विमानमार्फत स्वदेश फर्कन लागेका हुन् ।
उनी साँझ ५ बजे त्रिभुवन अन्तर्राष्ट्रिय विमानस्थल आइपुग्नेछन् । डा भण्डारीको स्वास्थ्यमा सुधार आई, बोल्न र हिँड्न सक्ने भएका छन् । उनको बाँकि उपचार भने नेपाल मै हुनेछ ।
