काठमाडौँ । पूर्वराजा ज्ञानेन्द्र शाह दम्पती तथा पूर्व युवराज्ञी हिमानी शाहले कुनै पनि प्रकारका सामाजिक सञ्जाल सञ्चालन नगरेको पूर्वराजाको संवाद सचिवालयले जनाएको छ ।
सचिवालयले शुक्रबार एक सूचना जारी गर्दै पूर्वराजा, पूर्वरानी तथा पूर्व युवराज्ञीले कुनै पनि सामाजिक सञ्जाल सञ्चालन नगरेकाले यस्तो निराधार कपोलकल्पित भ्रमजालबाट मुक्त रहन सबैमा आग्रह गरेको छ ।
साथठै पूर्वराजपरिवारको आस्था र मर्यादामा आँच नपुर्याउन अनुरोध गर्दै सचिवालयले सो सम्बन्धमा विसं २०७८ मंसिर २३ गते पनि खण्डन भइसकेको जानकारी गराएको छ ।
