एजेन्सी । इंग्लिस प्रिमियर लिग फुटबल अन्तर्गत म्यान्चेस्टर सिटीले सानदार जित निकालेको छ । गएराति सम्पन्न खेलमा सिटीले शीर्षस्थानको आर्सनललाई ४-१ गोलले पराजित गरेको हो ।
उपाधि होडमा रहेका दुबै टिमको खेललाई निकै महत्वपूर्ण रुपमा हेरिएको थियो । सिटीलाई घरेलु मैदानमा जित दिलाउन केभिन डि ब्रुएनाले दुई तथा जोन स्टोन्स र एर्लिङ हालाण्डले एक-एक गोल गरे । आर्सनलका रव होल्डिङले एक गोल फर्काए ।
खेलको सातौं मिनेटमा नै डि ब्रुएनाले गोल गर्दै सिटीलाई सुरुवाती अग्रता दिलाएका थिए । यस्तै पहिलो हाफको इन्जुरी समयमा स्टोन्सले गोल गर्दै सिटीको अग्रता दोब्बर पारे । ५४ औं मिनेटमा डि ब्रुएनाले व्यक्तिगत दोस्रो तथा टिमका लागि तेस्रो गोल गर्दा सिटी ३-० ले अघि बढ्यो ।
८६ औं मिनेटमा आर्सनलका होल्डिङले एक गोल फर्काउँदा आर्सनले ३ १ को स्थितीमा पछाडि रह्यो । यस्तै, खेल सकिनै लाग्दा इन्जुरी समयमा ९०+५ मिनेटमा हालाण्डले एक गोल थप्दा सिटी ४-१ ले विजयी बन्यो । यो हारसँगै आर्सनलको उपाधि होडमा ठूलो धक्का पुग्दा सिटीले भने अंकदुरी घटायो ।
सिटीसँग आर्सनल भन्दा दुई खेल कम खेलेको फाइदा पनि छ । यो नतिजासँगै ३३ खेलबाट ७५ अंकका साथ आर्सनल तालिकाको शीर्षस्थानमा रहँदा सिटी ३१ खेलबाट ७३ अंकका साथ दोस्रो स्थानमा छ ।
