काठमाडौँ । नेकपा (एमाले) का उपमहासचिव विष्णु रिमालले हालै सम्पन्न प्रतिनिधिसभा सदस्यको उपनिर्वाचनको मनोवैज्ञानिक सन्देश महत्त्वपूर्ण रहेको बताउनुभएको छ ।
सामाजिक सञ्जाल फेसबुकमा स्टाटस लेख्दै अङ्कगणितका आधारमा उपनिर्वाचनको परिणामले सत्तासमीकरणमा तात्विक फरक पार्ने खालको नभए पनि मनोवैज्ञानिक सन्देश भने महत्त्वपूर्ण रहेको बताउनुभयो ।
उपनिर्वाचनको परिणामले ठूला पार्टी लक्षित ‘सच्चिने’ शब्दको भाव, ‘अहिलेकोमा सुधार गर’ भन्ने होला भन्दै उपमहासचिव रिमालले मनोवैज्ञानिक सन्देश ‘कार्यशैली सुधार गर’ भन्ने मात्र हैन । नयाँ ‘मार्केटिङ–स्टन्ट’ पछ्याउ भन्ने पनि हैन भन्नुभएको छ ।
उपनिर्वाचनले ‘अजेण्डा सेटर गर, त्यसको ब्राण्डिङ गर र डेलिभरीको तरिका फेर’ भन्ने मनोवैज्ञानिक सन्देश दिएको आफ्नो बुझाइ सही हो भने उक्त मनोविज्ञानलाई आत्मसात गर्नुपर्ने उहाँको भनाइ छ ।
