काठमाडौँ । भारतको नयाँ दिल्लीस्थित अल इण्डिया इन्स्टिच्युट अफ मेठिकल साइन्सेस (एम्स) मा भर्ना भई उपचार गराइरहनुभएका राष्ट्रपति रामचन्द्र पौडेलको स्वास्थ्य अवस्था सुधारोन्मुख रहेको छ ।
राष्ट्रपतिको कार्यालयले मंगलबार एक विज्ञप्ति जारी गरी राष्ट्रपति पौडेलको उपचारसँग सम्बन्धित केही परीक्षण भइसकेको र केहीको परीक्षण भइरहेको बताएको छ ।
राष्ट्रपतिको कार्यालयका प्रवक्ता सागर आचार्यले एन्टिबायोटिक उपयोगका कारण राष्ट्रपति पौडेलमा शारीरिकरुपमा केही शिथिलता भएता पनि सामान्य हिँडडुल गर्ने अवस्थामा हुनुभएको बताउनुभएको छ ।
राष्ट्रपति पौडेल उपचारका लागि यही वैशाख ६ गते नयाँ दिल्ली जानुभएको थियो ।
