काठमाडौँ । जनता समाजवादी पार्टी (जसपा) का अध्यक्ष उपेन्द्र यादवलाई बारा–२ को उम्मेदवार बनाउन मधेस प्रदेश समितिले केन्द्रलाई सिफारिस गरेको छ ।
मधेस प्रदेश समितिको बैठकले बारा २ को उम्मेदवारका लागि सिफारिस गरेको जसपा मधेस प्रदेश समितिका अध्यक्ष रामबाबु यादवले बताउनुभयो । उहाँका अनुसार प्रदेश समितिको सिफारिसलाई केन्द्रले टुंगो लगाउने छ ।
बारा २ मा प्रतिनिधिसभा सदस्य जितेका राम सहाय यादव उपराष्ट्रपतिमा चयन भएपछि सो क्षेत्रमा वैशाख १० गते उपनिर्वाचन हुन लागेको हो ।
