सिरहा । गोलबजार नगरपालिकाका मेयर श्याम श्रेष्ठमाथि आक्रमण भएको भन्दै नेकपा एमालेका युवाहरू आन्दोलनमा उत्रेका छन् ।
आक्रमणको प्रयास गर्नेहरूमाथि कडा कारबाहीको मागसहित उनीहरु आन्दोलनमा उत्रेका हुन् ।
आन्दोलनकारीहरुले गोलबजारस्थित राजमार्गमा टायर बालेर प्रदर्शन गरिरहेका छन् । जसको कारणले पूर्व–पश्चिम राजमार्ग अवरुद्ध हुन पुगेको छ ।
कार्यालयबाट बाहिर जाने क्रममा एमालेबाट निर्वाचित मेयर श्रेष्ठमाथि केहि व्यक्तिले मोबिल छ्यापेका थिए । मोबिल छ्याप्नमध्ये नरहा गाउँपालिका ४ का ४३ वर्षीय साधु चरण महरालाई प्रहरीले पक्राउ गरिसकेको छ । सो घटनामा संलग्न अन्य भने फरार रहेका छन् ।
