काठमाडौँ । प्रधानमन्त्री पुष्पकमल दाहाल प्रचण्डविरुद्ध नाराबाजी गर्ने तीन जनाविरुद्ध प्रहरीले अभद्र व्यवहार मुद्दामा अनुसन्धान गर्ने भएको छ ।
मंगलबार नयाँ बानेश्वरमा प्रधानमन्त्री पुष्पकमल दाहाल ‘प्रचण्ड’ सहभागी एक कार्यक्रममा सोलुखुम्बुका २३ वर्षीय उद्धव बस्नेत, बझाङका १८ वर्षीय विप्लव खड्का र बाग्लुङ सोम शर्माले नाराबाजी गरेका थिए ।
जिल्ला प्रहरी परिसर काठमाडौँले उनीहरुलाई पक्राउ गरी अभद्र व्यवहारमा अनुसन्धान गर्न जिल्ला प्रशासन कार्यलय काठमाडौँबाट म्याद लिन लागेको जनाएको छ ।
उनीहरुले प्रहरीसँगको बयानमा आफूहरु नेपाल स्वतन्त्र युवा अभियान समूहका अभियन्ता भएको र बैंकको ब्याज निकै महँगो भएकाले घटाउनुपर्ने आफूहरुको माग भएको बताएका छन् ।
