काठमाडौं । आईसीसी विश्वकप लिग टू अन्तर्गतको त्रिकोणात्मक सिरिजमा यूएईविरुद्ध नेपाललाई पहिलो सफलता मिलेको छ ।
दुबई अन्तराष्ट्रिय क्रिकेट स्टेडियममा भईरहेको खेलमा नेपालका तिब्र बलर करण केसीले नेपालको लागि पहिलो विकेट लिएका हुन् । करणले यूएईका ओपनर मूहम्मद वसिमलाई आउट गराए ।
आजको खेलमा तीब्र गतिका बलर प्रतिश जिसीको स्थानमा स्पिनर सन्दीप लामिछानेलाई राखिएको छ ।
लिग २ मा यसअघि लगातार पाँच जित निकालेको नेपाल आजको खेलमा यूएईलाई पराजित गर्दै आफ्नो जितलाई निर्न्तरता दिन चाहान्छ । यस सिरिजको पहिलो खेलमा नेपालले पपुवान्युगिनीलाई पराजित गरेको थियो ।
नेपाल २९ खेलमा १३ जित र १४ हारसहित २८ अंक गरी अंकतालिकाको छैटौं स्थानमा छ । यता, युएई २९ खेलमा १३ मा जित र १३ मा हारसहित २९ अंकका साथ पाँचौं स्थानमा छ ।
नेपालको प्लेइङ ११:
कुशल भुर्तेल, आसिफ शेख, ज्ञानेन्द्र मल्ल, रोहित पौडेल, आरिफ शेख, दिपेन्द्रसिंह ऐरी, कुशल मल्ल, गुलसन झा, सोमपाल कामी, करण केसी, सन्दीप लामिछाने,
