काठमाडौ । भारतबाट डिजेलको मूल्य प्रतिलिटर ५.५ रुपैयाँ र पेट्रोल लिटरमा १.२१ रुपैयाँले घटेर आएको छ । खाना पकाउने ग्यासको मूल्य भने ३३९.०६ रुपैयाँले बढेर आएको निगम स्रोतले बताएको छ ।
बुधबार इण्डियन आयल कर्पोरेसनले पेट्रोल र डिजेलको मूल्य घटेको र खाना पकाउने ग्यासको मूल्य बढेको पत्र नेपाल आयल निगमलाई पठाएको स्रोतले बताएको छ ।
यस्तै, भारतबाट हवाइ इन्धन प्रतिलिटर ७.३ रुपैयाँ घटेर आएको छ । इण्डियन आयल कर्पोरेसनले हरेक १५ दिनमा आयल निगमलाई नयाँ मूल्य सूची पठाउने गरेको छ । यसअघिको मूल्यसूचीमा पनि मूल्य घटेर आएको थियो । तर नेपालमा भने घटाइएको थिएन ।
