एजेन्सी । मोरक्को तथा फ्रेन्च क्लब पेरिस सेन्ट जर्मेन (पिएसजी)का डिफेन्डर अच्रफ हाकिमीमाथि बलात्कारको आरोप लागेको छ ।
आरोपको विषयमा फ्रान्सको सम्बन्धित कार्यालयले प्रारम्भिक अनुसन्धान थालेको बिबिसीले उल्लेख गरेको छ ।
२४ वर्षीया महिलाले पिएसजीका स्टार हाकिमीले २५ फेब्रुअरीमा फ्रान्सको राजधानीस्थित आफ्नो घरमा आफूलाई बलात्कार गरेको आरोप लगाएकी छन् ।
महिलाले आइतबार प्रहरी चौकीमा घटनाबारे जानकारी गराए पनि आरोप दर्ता नगरेको बिबिसीले जनाएको छ ।
हाकिमी मोरक्कोले कतारमा भएको विश्वकपको सेमिफाइनलमा पुगेर इतिहास रच्दा टोलीका प्रमुख खेलाडी थिए । मोरक्को विश्वकपको सेमिफाइनल पुग्ने पहिलो अफ्रिकी टिम समेत बनेको थियो ।
यद्यपि, आरोपको विषयमा हाकिमी र पिएसजीबाट अहिलेसम्म सार्वजनिक रूपमा प्रतिक्रिया जनाएको छैन ।
