काठमाडौं । क्रिकेटर सन्दीप लामिछानेले विदेश भ्रमणको अनुमति माग गर्दै सर्वोच्च अदालतमा दिएको निवेदनमा सुनवाइ सकिएको छ ।
केहीबेरमा आदेश सुनाउने तयारी रहेको न्यायधीश ईश्वर खतिवडाले बताए ।
खतिवडाले क्यानका म्यानेजर विनोद दासले सन्दीपलाई यूएई भ्रमणमा जाने अनुमति दिन अदालतसमक्ष अनुरोध गरेको बताए । क्यानले सन्दीपलाई सुरक्षित रुपमा यूएइ लैजाने र फिर्ता ल्याउने जिम्मा लिने कुरा गरेको उनले बताए ।
न्यायाधीश खतिवडाले सन्दीपको क्रिकेट करिअर जिवित रहोस भन्ने आफ्नो व्यक्तिगत चाहना रहेको बताएका छन् । उनले भने ‘म उनको करिअर जिवित रहोस, अझ माथि पुगोस भन्ने चाहन्छु । तर, हामीले प्रक्रिया अनुसार चल्नुपर्छ । सर्वोच्च अदालतभन्दा माथि अर्को निकाय पनि नभएकाले हामीले गम्भीरतापूर्वक सोच्नुपर्छ । विगतमा यस्तो अभ्यास छैन ।’
