काठमाडौँ । आईसीसी विश्वकप लिग–२ त्रिकोणात्मक ओडिआई सिरिज अन्तर्गत घरेलु मैदानमा लेग स्पिनर सन्दीप लामिछानेको प्रदर्शन उच्च रहेको छ । उनले हरेक खेलमा उत्कृष्ट प्रदर्शन गर्दै आएका छन् ।
यसैबीच, क्रिकेट समर्थकहरुले लामिछानेलाई नेपालको यूएइ भ्रमणमा समावेश गर्न मागसहित टियु मैदानमा नाराबाजी गरेका छन् ।
आज नेपाल र स्कटल्याण्डको खेल चलिरहँदा समर्थकहरुले सन्दीपको पक्षमा नाराबाजीमा उत्रिएका हुन् । सन्दीपले आजको खेलमा १० ओभरमा ४५ रन खर्चेर चार विकेट लिन सफल भए । यो प्रतियोगितामा उनको विकेट संख्या १३ पुगेको छ ।
जारी खेलमा टस हारेर पहिले ब्याटिङमा उत्रिएको स्कटल्याण्डले नेपालसामु २१३ रनको विजयी लक्ष्य प्रस्तुत गरेको छ ।
