सुर्खेत । सुर्खेतको वीरेन्द्रनगरमा बसको ठक्करबाट महिलाको मृत्यु भएपछि त्यहाँको अवस्था तनावग्रस्त बनेको छ ।
आइतबार बसको ठक्करबाट मृत्यु भएकी जाजरकोटकी नदी रावतका आफन्तहरूले सोमबार बिहानैदेखि वीरेन्द्रनगरमा आन्दोलन जारी राखेका छन् ।
मंगलगढी चोकमा आन्दोलनले उग्र रूप लिएपछि प्रहरीले ४ राउण्ड अश्रु ग्यास प्रहार गरेको छ। आन्दोलनकारी र प्रहरीबीचको दोहोरो झडपमा एक जना प्रहरी घाइते भएका छन् ।
अहिले १३० जना प्रहरीको टोली आन्दोलनस्थलमा खटाईएको जिल्ला प्रहरी कार्यालय सुर्खेतका डीएसपी लक्ष्मण शाहीले जानकारी दिए ।
