काठमाडौँ । नेपाल चिकित्सक संघ पूर्वघोषित आन्दोलन फिर्ता लिँदै बन्द अस्पताल खोल्न सहमत भएको छ । प्रधानमन्त्री तथा मन्त्रिपरिषद्को कार्यालयमा आइतबार बिहान भएको वार्तामा जारी आन्दोलन फिर्ता लिन संघ सहमत भएको हो । साथै संघ लिएर अस्पताल खोल्न पनि सहमत भएको बताइएको छ ।
राष्ट्रपति विद्यादेवी भण्डारीको सवारीका क्रममा शुक्रबार ट्रमा सेन्टरका एक चिकित्सकमाथि सुरक्षाकर्मीले हातपात गरेको विरोधमा संघले आन्दोलनको घोषणा गरेको थियो । घोषित आन्दोलनअनुसार संघले आज आकस्मिकबाहेक अस्पतालको सेवा सबै ठप्प पारेको हो । यसबाट विरामीहरु उपचार पाउन नसेकर अलपत्र परेका छन् ।
विरामी र उनीहरुका आफन्तले आकस्मिक सेवाबाहेक अन्य सबै सेवा बन्द भएपछि आक्रोशित हुँदै अस्पताल अगाडि विरोध प्रदर्शन गरेका थिए ।
