एजेन्सी । बलिउड अभिनेता सिद्धार्थ मल्होत्रा र अभिनेत्री कियारा आडवाणी मंगलबार (फेब्रुअरी ७)मा विवाह बन्धनमा बाँधिएका छन् । दुबैले जैसलमेरको होटल सूर्यगढमा परिवार र नजिकका साथीहरूका बीचमा बिहे गरेका हुन् ।
विवाहपछि सिद्धार्थ र कियाराले विवाहको तस्बिर सामाजिक सञ्जालमा सेयर गरेका छन् । भारतीय सञ्चारमाध्यमका अनुसार कियारा अब मुम्बईको जुहुमा श्रीमान सिद्धार्थको ‘सी फेसिङ’ घरमा सिफ्ट हुनेछिन् ।
सिद्धार्थ धेरै दिनदेखि घरको खोजीमा थिए । केही दिनअघि उनले ३ हजार ५०० स्क्वायर फिटको अपार्टमेन्ट फाइनल गरिसकेका छन् । जसको लागत करिब ७० करोड भारु रहेको बताइएको छ । यस आलिशान घरको इन्टेरियर शाहरुख खानकी श्रीमती गौरी खानले गरेकी छिन् ।
