काठमाडौँ । सुरक्षा पन्त अभिनीत फिल्म ‘बुलाकी’ को प्रदर्शन मिति परिवर्तन गरिएको छ ।
यसअघि फागुन १९ गतेदेखि प्रदर्शन हुने भनिएको फिल्म अब वैशाख १ गतेदेखि प्रदर्शनमा आउने भएको हो । निर्माण टिमले फिल्मको दुई पोस्टर सार्वजनिक गर्दै नयाँ प्रदर्शन मिति घोषणा गरेको छ ।
लक्ष्मण सुनारको निर्देशन रहेको फिल्म ‘बुलाकी’ जारी प्रथामा आधारित छ । टोपेन्द्र विष्टको निर्माण रहेको फिल्ममा सुरक्षा पन्तसँगै नरेन खड्का, विराज विष्ट, रमेश बुढाथोकी, प्रकाश कँडेल, कुलदीप अधिकारी, सुशिल पोखरेल, लक्ष्मी गिरी, सोनु सेढाई, सरस्वती खत्रीलगायत कलाकारको अभिनय छ । फिल्मलाई शिव ढकालले खिचेका हुन् ।
फिल्मको कथा राजबहादुर सानेले लेखेका हुन् । यस्तै, पटकथा तथा संवादमा सानेसँगै निर्देशक सुनार, निर्मल पौडेल तथा विराज विष्टले सहकार्य गरेका छन् ।
