काठमाडौँ । प्रधानमन्त्री पुष्पकमल दाहाल प्रचण्ड र नेकपा (एमाले) का अध्यक्ष केपी शर्मा ओलीबीच मंगलबार बिहान प्रधानमन्त्री निवास बालुवाटारमा भेटवार्ता भएको छ ।
भेटमा उहाँहरुबीच राष्ट्रपति निर्वाचन, सरकार सञ्चालनलगायतका विषयमा छलफल भएको प्रधानमन्त्रीको सचिवालयले जनाएको छ । राष्ट्रपतिको निर्वाचन फागनु २५ गते हुँदैछ ।
सरकार गठन गर्ने बेलामा राष्ट्रपति पद एमाले र प्रधानमन्त्री नेकपा ९माओवादी केन्द्र० ले लिने सहमति भएको थियो । यद्यपि प्रधानमन्त्री प्रचण्डले विश्वासको मत लिने बेलामा प्रतिपक्षी नेपाली कांग्रेसले पनि पक्षमा मत दिएपछि राष्ट्रपतिमा राष्ट्रिय सहमति गर्नुपर्ने प्रधानमन्त्री प्रचण्डले बताउँदै आउनुभएको छ ।
सहमतिअनुसार एमालेले नै राष्ट्रपति पाउनुपर्ने भन्दै आएको एमाले प्रधानमन्त्रीको उक्त भनाइपछि सशंकित भएको छ ।
