काठमाडौँ । मीनभवनस्थित नेपाल कमर्स क्याम्पसमा नेपाली कांग्रेसको भ्रातृ संगगठन नेपाल विद्यार्थी संघ (नेविसंघ) का दुई समूहबीच झडप भएको छ ।
कांग्रेस केन्द्रीय सदस्य डा शेखर कोइराला समूहका विद्यार्थीले गरेको कार्यक्रममा संस्थापक पक्षका विद्यार्थी आएर अवरोध गर्दा झडप भएको हो । विद्यार्थीहरुबीच ढुंगामुढासमेत भएको बताइएको छ ।
स्ववियु निर्वाचनबारे सुझाव संकलन गर्न आयोजना गरिएको छलफल कार्यक्रममा संस्थापन पक्षको दुजाङ शेर्पा आफैँ आएर कार्यक्रम भाँडेको शेखर समूहका विद्यार्थीहरुले बताएका छन् ।
नेविसंघका केन्द्रीय अध्यक्ष शेर्पासहित आएका विद्यार्थीहरुले गुण्डागर्दी शैलीमा आक्रमण गरेको शेखर समूहका विद्यार्थीहरुले आरोप लगाएका छन् । क्याम्पसमा अहिले प्रहरी परिचालन गरिएको जनाइएको छ ।
