काठमाडौं । राष्ट्रिय स्वतन्त्र पार्टी (रास्वपा)कोे संसदीय दल र केन्द्रीय समितिको संयुक्त बैठकमा पहिलो चरणको छलफल सकिएको छ ।
सरकारबारे निर्णय गर्न बसेको रास्वपाको पहिलो चरणको छलफलमा सांसद र केन्द्रिय सदस्यहरुले मिश्रित प्रतिक्रिया दिएका छन् । बैठकमा सरकार छाड्न नहुने र छाड्नु पर्ने दुबै खाले प्रतिक्रिया आएको बताईएको छ ।
अहिले रास्वपामा निर्णायक छलफल सुरु भएको बताईएको छ । यो छलफलबाट सरकारमा बस्ने या नबस्ने बारे ठोस निष्कर्ष निकालिने छ ।
जारी ‘निर्णायक’ बैठकपछि सभापति लामिछानेले विशेष पत्रकार सम्मेलनको आयोजना गरेका छन् ।
