काठमाडौं । राष्ट्रिय स्वतन्त्र पार्टी (रास्वपा) को केन्द्रीय समिति र संसदीय दलको संयुक्त बैठक जारी रहेको छ । बैठक बस्नुअघि पार्टी सभापति रवि लामिछानेले प्रधानमन्त्री पुष्पकमल दाहाल ‘प्रचण्ड’ सँग भेट गरेका थिए ।
प्रधानमन्त्री प्रचण्डले रास्वपालाई गृह मन्त्रालयको सट्टा भौतिक योजना तथा पूर्वाधार मन्त्रालय लिन आग्रह गरेका थिए । पुनः गृह मन्त्रालय पाउनुपर्ने दाबी गर्दै आएको रास्वपाले आज सरकारमा बस्ने वा बाहिरिनेबारे ठोस निर्णय गर्ने बताईएको छ ।
जारी ‘निर्णायक’ बैठकपछि सभापति लामिछानेले विशेष पत्रकार सम्मेलनको आयोजना गरेका छन् ।
