काठमाडौ । नेपाल नागरिक उड्डयन प्राधिकरणले प्रभु हेलिकप्टरको उडानमा रोक लगाएको छ ।
माघ ५ गते स्याङजाको वालिङ खेल मैदानमा खेल जारी रहेको बेला अनुमतिविना नै हेलिकप्टर अवतरण गरेको भन्दै प्राधिकरणले उडान बन्द गराएको हो ।
प्राधिकरणले प्रभु हेलिकप्टरलाई अवतरण गर्नुपर्ने कारण मौखिकरूपमा सोधेको थियो । तर, हालसम्म प्रभुले कुनै जवाफ नदिएपछि प्राधिकरणले अर्को निर्णय नभएसम्म प्रभु हेलिकप्टरका सबै उडानमा रोक लगाएको बताईएको छ ।
प्राधिकरणले हिजोमात्रै नेपाल वायुसेवा निगमका पाँच पाइलटलाई एटीसीको नियम उल्लघंन गरेको भन्दै निलम्बन गर्न निर्देशन दिएको थियो ।
