एजेन्सी । टिभी अभिनेत्री तुनिषा शर्माले शनिबार मुम्बईको सुटिङ सेटमा झुण्डिएर आत्महत्या गरेकी छन् ।
२० वर्षीया तुनिषा म्युजिक भिडियो खिच्न लागेकी थिइन् । सेटमा रहेका मानिसहरूले उनलाई झुण्डिएको देखेर अस्पताल लगे तर बाटोमै उनको मृत्यु भयो ।
आत्महत्याको कारण भने अझै खुल्न सकेको छैन । आत्महत्या गर्नुअघि तुनिषा पूर्णतया सामान्य थिइन् र ५ घण्टाअघि उनले इन्स्टाग्राममा आफ्नो फोटो र केही नोट सेयर गरेकी थिइन् ।
उनले कट्रिना कैफको फिल्म ‘फितूर’मा आफ्नो बाल्यकालको भूमिका निर्वाह गरेकी छिन् । यसबाहेक उनले अलिबाबा दास्ताने काबुलमा राजकुमारी मरियमको भूमिका निभाएकी थिइन् । यसबाहेक उनले बार बार देखो, कहानी–२, दबंग–३ जस्ता चलचित्रमा बाल कलाकारको रुपमा पनि काम गरिसकेकी छिन् ।
२० वर्षीया तुनिषाले टिभी शो भारत का वीर पुत्र-महाराणा प्रतापबाट आफ्नो करियर सुरु गरेकी थिइन् । उनी चक्रवर्तिन अशोक सम्राट, गब्बर पुन्चवाला, शेर-ए-पंजाब: महाराणा रंजित सिंह, इन्टरनेट वाला लभ र इश्क शुभान अल्लाह जस्ता सिरियलहरूमा पनि देखिएकी थिइन् ।
