काठमाडौ । नेकपा एमालेका बरिष्ठ नेता माधब कुमार नेपालले पार्टी भित्रको किचलो एक साताभित्र सकिने बताउनुभएको छ । नेपाल समूह निकट किसान महासंघको भेलालाई भुर्चुअल सम्बोधन गर्दै नेता नेपालले एक साताभित्र निर्वाचन आयोग दर्ता भएको एकीकृत नेकपालाई क्रियाशिल बनाउने संकेत गर्दै किचलो सकिने बताउनुभएको हो ।
एमालेको संस्थापन पक्षसँग सम्बादमा रहेका आफू पक्षीय भनिएका नेताहरुप्रति निकै आक्रोशित बन्नुभएका नेता नेपालले दाहिना र देब्रे हात भनिएकाहरु प्रति आफूलाई विश्वास नभएको बताउनुभएको थियो । छलफलमा सहभागी एक नेताले न्युजपोलारसँग भन्नुभयो– कस कसलाई दोश्रो अध्यक्ष बन्न मन छ, गए हुन्छ माधव नेपाल एमालेमा फर्कदैन ।
आफूलाई थुप्रै कार्यकर्ताको साथ रहेको उल्लेख गर्दै नेता नेपालले आउने १८ महिना अलग दलको अभ्यास गर्ने बताउनु भएको थियो ।आफूलाई दोश्रो पुस्ताका नेता भन्दै केहीले एकताको राग अलापेको भन्दै नेता नेपालले उनीहरुले गरेको १० बँुदे सहमतीको कुनै अर्थ नभएको बताउनु भएको थियो ।
नेता नेपालले सकेसम्म संबैधानिक व्यवस्थाअनुसार ४० प्रतिशत पुर्याउने पहल गर्ने नभए जति संख्यामा पुग्छ त्यसैलाई आधार मानेर राजनीतिक दलसम्बन्धी अध्यादेश जारी गरी गर्ने तयारी पनि भएको छ ।
नेता नेपाल निकट एक नेताका अनुसार एक साताभित्र नयाँदल क्रियाशील भएपछि सरकारमा सहभागी हुने तयारी सो समूहको रहेको छ । नेपाल समूहबाट बिरोध खतिवडा, रामकुमारी झाक्रि , मेटमणी चौधरी , जीबनराम श्रेष्ठ,प्रेम आले , किसान श्रेष्ठलाई सरकारमा पठाउनेबारे नेता नेपालले परामर्श गर्नुभएको ती नेताले जानकारुी दिए ।
उनका अनुसार मन्त्रिपरिषद्को सोमबारको बैठकबाट तीन ओटा प्रदेशको प्रमुख फेर्ने तयारी गरेपनि अर्को सातामात्र यस बारेमा निर्णय गर्न भन्दै नेता नेपालले रोक्नु भएको थियो । सात ओटा प्रदेशप्रमुखमा नेपाली काँग्रेसलाई दुई, माओवादी केन्द्रलाई दुई, नेपाल समूहलाई दुई र जनता समाजवादी पार्टीलार्ई एक पद दिने यसअघि नै सहमति भैसकेको छ ।
ती नेताका अनुसार एक सातापछि ओली सरकारका पालामा नियुक्त गरिएका राजनीतिक नियुक्तीहरु खारेज गर्ने देखि नयाँ पार्टीलाई क्रियाशिल बनाउने तयारी भैरहेको छ ।
यसैगरी आइतबार संसदको अन्तर्राष्ट्रिय समितिमा सांसद नारदमुनी राना र नेता नेपालबीच भएको चर्काचर्कीप्रति आक्रामक देखिनुभएका नेता नेपालले यो पंकरणलाई आफूले गम्भीर रुपमा लिएको संकेत गर्नुभएको थियो ।
