काठमाडौं । नेपाली कांग्रेसका महामन्त्री एवं प्रतिनिधिसभा सदस्य गगन थापाले जन्मकैदको सजाय भोगिरहेका रेशम चौधरीलाई छुटाउने गरी सरकारले ल्याउन लागेको अध्यादेशबारे आपत्ति जनाएका छन् ।
अध्यादेश कानूनी, राजनीतिक र नैतिक हिसाबले समेत गलत भएको बताउँदै थापाले विरोध जनाएका हुन् ।
थापाले भनेका छन् – ‘पार्टीभित्र यो अध्यादेशका बारेमा न त कुनै छलफल भएको छ,न कुनै निर्णय नै।त्यसैले विगतमा पार्टीको अडान जे थियो आज पनि त्यहि छ । यो अध्यादेश कानूनी, राजनीतिक र नैतिक हिसावले समेत गलत छ।यो असंवैधानिक र संसदीय व्यवस्थाको मर्म विपरित छ। सरकारले तत्काल अध्यादेश फिर्ता लिनुपर्छ ।’
कांग्रेसका अर्का महामन्त्री विश्वप्रकाश शर्माले पनि अध्यादेशको विरोध जनाएका छन् ।
