काठमाडौं । नवनियुक्त प्रदेश प्रमुखद्वय पृथ्वीमान गुरुङ र अमिक शेरचनले पद तथा गोपनीयताको सपथग्रहण गर्नुभएको छ । बुधबार राष्ट्रपति विद्यादेवी भण्डारीले राष्ट्रपति कार्यालय शीतल निवासमा आयोजित समारोहमा उहाँहरुलाई सपथ गराउनुभएको हो ।
सपथग्रहरण समारोहमा उपराष्ट्र नन्दबहादुर पुन, प्रधानमन्त्री शेरबहादुर देउवा, राष्ट्रियसभा अध्यक्ष गणेशप्रसाद तिमिल्सिना, प्रतिनिधिसभा सभामुख अग्निप्रसाद सापकोटा सहभागी हुनुहुन्थ्यो ।
मंगलबारको मन्त्रिपरिषद बैठकले गण्डकी प्रदेश प्रमुखमा पृथ्वीमान गुरुङ र लुम्बिनी प्रदेश प्रमुखमा अमिक शेरचनलाई नियुक्त गर्न । राष्ट्रपतिसमक्ष सिफारिस गरेको थियो ।
तस्बिर : प्रदीपराज वन्त/रासस