अहमदाबाद । प्रधानमन्त्री नरेन्द्र मोदीकी आमा हिराबाले सोमबार गुजरात विधानसभा चुनावको दोस्रो चरणमा गान्धीनगर नजिकैको रायसन गाउँमा मतदान गर्नुभयो ।
जुनमा १०० वर्ष पुग्नुभएकी हिराबा आफ्नो कान्छो छोरा पञ्कज मोदीसँग गान्धीनगरको रायसन गाउँमा बस्नुहुन्छ ।
पञ्कज र परिवारका अन्य सदस्यहरूसँग उहाँले ह्वीलचेयरमा मतदान केन्द्र पुगेर र मतदान गर्नुभयो ।
प्रधानमन्त्री मोदीले आइतबार आफ्नी आमालाई उहाँको घरमा भेटेर आशीर्वाद माग्नुभएको थियो ।
प्रधानमन्त्रीले पनि सोमबार अहमदाबादको मतदान केन्द्रमा मतदान गर्दै राज्यका जनताले सबैको कुरा सुन्ने तर सत्य कुरा स्वीकार गर्ने उनीहरूको स्वभाव भएको बताउनुभयो।
गुजरात विधानसभाको १८२ सिटमध्ये ९३ सिटका लागि दोस्रो चरणमा मतदान भइरहेको छ। मतगणना डिसेम्बर ८ मा हुनेछ।
एजेन्सी
