काठमाडौँ । कतारमा जारी फिफा विश्वकप फुटबल अन्तर्गत पोल्याण्डले पहिलो हाफ सकिँदा साउदी अरेबियाविरुद्ध अग्रता लिएको छ ।
एजुकेशन सिटी मैदानमा जारी खेलमा पोल्याण्डले पहिलो हाफ सकिँदा १–० गोलको अग्रता बनाएको हो ।
खेलको ३९ औं मिनेटमा पिटर जेलेन्स्कीले गोल गरे । कप्तान रोबर्ट लेवान्डोस्कीको पासमा उनले गोल गरेका हुन् ।
यता, पहिलो हाफको इन्जुरी समयमा साउदी अरेबियाले बराबरी गर्ने अबसर गुमायो । पोल्याण्डका गोलकिपर सेज्नीले उत्कृष्ट पेनाल्टी बचाउ गरे ।
साउदीका सलिम अल्डासरीको पेनाल्टी प्रहारलाई सेजनीले सानदार बचाउ गरेका हुन् । त्यसपछिको रिबाउन्ड बललाई पनि सेजनीले बचाउ गर्दै गोल हुन दिएनन् ।
