काठमाडौं । चितवन क्षेत्र नं २ बाट प्रतिनिधिसभा सदस्यमा निर्वाचित हुनुभएका राष्ट्रिय स्वतन्त्र पार्टीका अध्यक्ष रवि लामिछानेले निर्वाचनमा व्यक्त गरिएका प्रतिबद्धता अनुरुप आजैबाट काम सुरु गर्ने जनाउनुभएको छ ।
विजयी भएपछि सामाजिक सञ्जालमा उहाँले लेख्नुभएको छ, “म आजबाटै काम थाल्दैछु। मेरो सभा हुने ठाँउहरुमा २ वटा बाकस हुनेछन्। एउटा बाकसमा ‘समस्या पेटिका’ लेखिएको हुनेछ। त्यसमा तपाईंका समस्या लेखेर खसाउनु होला। अर्को बाकसमा ‘उजुरी, समस्या, सुझाव पेटिका’ लेखिएको हुनेछ। त्यसमा, भ्रस्टाचारीका सूचना, मैले गर्नु पर्ने काम, मलाई खबरदारी लेखेर खसाउनु होला।
उहाँले लेख्नुभएको छ-
राजनीतिमा निर्वाचित हुनु भनेको विजयी हुनु होइन। यो त जाँच दिन जानका लागि सक्षम हुनु मात्र हो। म आजबाट जाँच दिन जाँदैछु, जसको नतिजा ५ वर्षपछि मात्र आउँछ। म जनतालाई जिताउने जाँच दिन जाँदैछु त्यसैले म अहिले नै विजय र्याली गर्न चाहन्न।
म विजय र्यालीको साटो आज ३ बजे, भरतपुर १०, गेस्ट हाउस चौरमा, भोलि ११ बजे इच्छा कामना गाउँपालिका कार्यालय अगाडिको फुटबल ग्राउन्ड कुरिनटारमा र भोलि ३ बजे सहिद स्मृति क्याम्पस चौर पदमापुर कालीकामा ‘धन्यवाद सभा’ गर्दैछु। एउटा अनुरोध, कृपया त्यहाँ आउँदा मेरा लागि फूल माला अबिर खादा केही पनि नल्याउनु होला।
म आज बाटै काम थाल्दैछु। मेरो सभा हुने ठाँउहरुमा २ वटा बाकस हुनेछन्। एउटा बाकसमा ‘समस्या पेटिका’ लेखिएको हुनेछ। त्यसमा तपाईंका समस्या लेखेर खसाउनु होला। अर्को बाकसमा ‘उजुरी, समस्या, सुझाव पेटिकाू’ लेखिएको हुनेछ। त्यसमा, भ्रस्टाचारीका सूचना, मैले गर्नुपर्ने काम, मलाई खबरदारी लेखेर खसाउनु होला। माला, अबिर, खादामा हामीले गरेको खर्च प्रायः सबै विदेश जान्छ। केही ल्याउनै मन भए आफ्नै आँगन वा बाटोको एक थुङो फूल भए मलाई पुग्छ।
म छिटोभन्दा छिटो काममा लाग्न चाहन्छु। भोट माग्न, र्याली गर्न आउन नभ्याएका ठाउँमा म काम गर्न आउँछु।।।
