काठमाडौँ । नेकपा (एमाले)का अध्यक्ष केपी शर्मा ओलीले निर्वाचनमा केही ठाउँमा सत्ता संरक्षित र प्रायोजित गुण्डागर्दी भएको बताउनुभएको छ ।
झापा क्षेत्र नं ५ बाट विजयी भएपछि गृहनगर झापा पुग्नुभएका ओलीले भद्रपुर विमानस्थलमा सञ्चारकर्मीलाई संक्षिप्त प्रतिक्रिया दिनुहुँदै ओलीले यस्तो टिप्पणी गर्नुभएको हो । उहाँले भन्नुभयो, “विभिन्न ठाउँमा बुथ कब्जा भएको छ, मान्छे मार्ने काम भयो, यस्तो कार्य लोकतन्त्रका लागि चुनौती र चिन्ताको विषय हो ।”
नागरिकले दिएको अभिमत आफनो ठाउँमा भएको उल्लेख गर्दै ओलीले भन्नुभयो, “निर्वाचनमा राज्यले अनेकन हतकण्डा अपनायो ।” उहाँले विजयी भएका उम्मेदवारलाई बधाई र पराजित भएका नेतालाई सहनुभूति प्रकट गर्दै मतदातालाई धन्यवाद दिनुभयो । ओलीले राष्ट्रिय स्वतन्त्र पार्टीलाई गन्तव्य र नीति स्पष्टरुपमा तय गर्न सुझाव दिनुभयो ।
