रुपन्देही । रुपन्देही जिल्लाको निर्वाचन क्षेत्र नम्बर ४ को प्रतिनिधिसभा सदस्यमा लोकतान्त्रिक समाजवादी पार्टी (लोसपा) का सर्वेन्द्रनाथ शुक्ल विजयी हुनुभएको छ ।
लोसपाका कार्यकारिणी समितिका सदस्यसमेत रहनुभएका शुक्ल तेस्रो पटक सो क्षेत्रबाट सांसद चुनिनुभएको हो । क्षेत्र नम्बर ४ को ७६ हजार छ सय ७५ मत गणना हुँदा शुक्लले २८ हजार मत प्राप्त गरेको निर्वाचन अधिकृत देवेन्द्र आचार्यले बताउनुभयो । उहाँका निकटतम प्रतिद्वन्द्वी नेपाली कांग्रेसका प्रमोदकुमार यादवले २२ हजार सात सय चार मत पाउनुभएको छ । यादव सोही क्षेत्रका निवर्तमान सांसदसमेत हुनुहुन्छ ।
जनमत पार्टीका भोपेन्द्रप्रसाद यादवले १५ हजार पाँच सय २६ मत पाउनुभएको निर्वाचन अधिकृत आचार्यले बताउनुभयो । कूल एक लाख १० हजार छ सय ५९ मत रहेको क्षेत्र नम्बर ४ मा ६९ दशमलव ६४ प्रतिशतअर्थात् ७७ हजार ६४ मत खसेको थियो ।
