गोरखा । प्रतिनिधिसभा सदस्य गोरखा क्षेत्र नम्बर २ मा नेपाल कम्युनिष्ट पार्टी (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले फराकिलो अग्रता कायम गरेका छन् ।
पछिल्लो मतपरिणाम अनुसार प्रचण्डले १९ हजार ५३१ मत प्राप्त गरेका छन् । अध्यक्ष दाहाललाई राष्ट्रिय स्वतन्त्र पार्टीका कबिन्द्र बुर्लाकोटीले ७ हजार १६७ मतका साथ पछ्याएका छन् ।
प्रचण्ड रास्वपा का बुर्लाकोटी भन्दा १२ हजार ३६४मतले अगाडि रहेका छन् ।
त्यस्तै नेकपा (एमाले)का अब्दुस सलाम मियाँले अहिलेसम्म ५ हजार १०३ मत प्राप्त गरे ।
