एजेन्सी । फिफा विश्वकप २०२२ फुटबल अन्तर्गत वेल्स र अमेरिकाले बराबरी खेलेका छन् ।
सोमबार राति अहमद बिन अलि स्टेडियममा भएको खेलमा वेल्स र अमेरिकाले १-१ गोलको बराबरी खेल्दै अंक बाँडेका हुन् ।
खेलको ३६ औं मिनेटमा टिमोथी वेहले गोल गर्दै अमेरिकालाई सुरुवाती अग्रता दिलाएका थिए । उनको यो पहिलो विश्वकप गोल समेत हो ।
यता, खेलको ८२ औं मिनेटमा बेलले पेनाल्टीबाट गोल गर्दै वेल्सलाई हारबाट जोगाए ।
समूह ‘बी’ मा रहेको वेल्स १ अंक जोडेर तेस्रो स्थानमा रहेको छ भने अमेरिका १ अंक जोडेर दोस्रो स्थानमा रहेको छ ।
