एजेन्सी । फिफा विश्वकप २०२२ फुटबल अन्तर्गत नेदरल्यान्ड्सले विजयी सुरुवात गरेको छ ।
सोमबार राति दोहास्थित अल थुमामा स्टेडियममा सम्पन्न खेलमा नेदरल्यान्ड्सले सेनेगललाई २-० गोल अन्तरले हराएको हो ।
नेदरल्यान्ड्सलाई जित दिलाउन कोडी गाक्पो र डाभी क्लासेनले एक एक गोल गरे । दुबै गोल दोस्रो हाफमा सम्भव भएको थियो ।
खेलको ८४ औं मिनेटमा गाक्पोले फ्रान्की डी जोङको पासमा हेडमार्फत उत्कृष्ट गोल गर्दै नेदरल्यान्ड्सलाई सुरुवाती अग्रता दिलाएका थिए ।
गाक्पोको यो विश्वकपको डेब्यु खेलमा गोल समेत हो । त्यसपछि खेलको इन्जुरी समयमा क्लासेनले गोल गर्दै नेदरल्यान्ड्सलाई २(० को जित दिलाए । जितसँगै समूह ‘ए’ मा रहेको नेदरल्यान्ड्सले महत्वपूर्ण ३ अंक जोडेको छ ।
