विराटनगर । मोरङ क्षेत्र नं ३ को प्रदेशसभा क्षेत्र नं १ का लागि नेपाली कांग्रेसका तर्फबाट मानबहादुर लिम्बूले मनोनयन दर्ता गरेका छन् । बेलबारी–८ निवासी लिम्बू कांग्रेस केन्द्रीय महाधिवेशन प्रतिनिधि र नेविसंघ मोरङका पूर्व सभापति हुन् ।
यसअघि उम्मेदवार रहेका शेखरचन्द्र थापाको निधन भएपछि कांग्रेसले लिम्बूलाई उम्मेदवार बनाउने तयारी गरेको हो । थापाको निधनपछि निर्वाचन आयोगले कांग्रेसलाई नयाँ उम्मेदवार मनोनयन गर्न बिहीबार १० बजेदेखि १ बजेसम्मको समय दिएको थियो ।
लिम्बूले लिम्बूले बेलबारीस्थित निर्वाचन कार्यालयमा पुगेर आफ्नो उम्मेदवारी दर्ता गराएका हुन् । लिम्बूले उम्मेदवारी दिएसँगै अब नेकपा (एमाले) का उम्मेदवार दिलीप राईसँग उनले प्रतिस्पर्धा गर्ने छन् ।
प्रदेश १ का वन वातावरण तथा भूसंरक्षणमन्त्री समेत रहेका सो क्षेत्रका उम्मेदवार थापाको उपचारका क्रममा विराटनगरस्थित नोबेल अस्पतालामा बुधबार निधन भएको थियो ।
