पोखरा । नेपाली कांग्रेसका सभापति एवं प्रधानमन्त्री शेरबहादुर देउवाले कार्यकर्तालाई गठबन्धनप्रति शंका उत्पन्न हुने काम गर्न आग्रह गर्नुभएको छ ।
शुक्रबार पोखरामा पाँच दलीय गठबन्धनले आयोजना गरेको कार्यकर्ता भेलामा उहाँले गठबन्धनबीच शंका पैदा नगर्ने र मतभिन्नता ल्याउने कुनै पनि काम नगर्न आग्रह गर्नुभयो ।
प्रधानमन्त्री देउवाले गठबन्धन आजको आवश्यकता भएको भन्दै कुनै पनि पार्टीको बहुमत आउन नसक्ने भएकाले पार्टीहरु मिल्नुपरेको बताउनुभयो । गठबन्धनमा सबैको जित हुने र यसैलाई कामय राख्दा सबैको पालो आउने उहाँको भनाइ थियो ।
“हामीबीच कतिपय साथीहरुले टिकट पाउनुभएन होला, कतिले पाउनु पनि भयो होला, यस्तो गठबन्धनका सबै पार्टीमा छ’, उहाँले भन्नुभयो, “गठबन्धनको सरकार बन्यो भने सबैको पालो आउँछ, सरकार बनेको अवस्थामा सयौँ स्थान छन् जसमा टिकट नपाएको साथीहरुलाई व्यवस्थापन गर्न सकिन्छ ।”
