काठमाडौँ । अख्तियार दुरुपयोग अनुसन्धान आयोगले रु २८ लाखसहित एक इन्जिनियर र प्लम्बरलाई पक्राउ गरेको छ ।
रामेछास्थित खानेपानी तथा सरसफाइ डिभिजन कार्यालय नं ३ का इन्जिनियर नवराज सत्याल र प्लम्बर बखतबहादुर थापालाई अख्तियारले पक्राउ गरेको हो । उनीहरुबाट अख्तियारले रु १६ लाख नगद र रु १२ लाखको चेक बरामद गरेको बताइएको छ ।
जिल्लाको इन्टिनगाउँ खानेपानी तथा सरसफाइ उपभोक्ता समितिको कामको भुक्तानीबापत उनीहरुले सो रकम लिएको खुलेको अख्तियारले बताएको छ । उनीहरुलाई मन्थली नगरपालिका–१ स्थित खानेपानी कार्यालयको क्वार्टरबाट पक्राउ गरिएको हो ।
