काठमाडौं । शताब्दी पुरुष सत्यमोहन जोशीको निधन भएको छ ।
किष्ट अस्पतालमा उपचाररत एक सय तीन वर्षीय जोशीको आज बिहान निधन भएको हो । त्रिमूर्ति निकेतनका सदस्यसचिव नरेन्द्रराज प्रसाईका अनुसार आज बिहान उहाँको निधन भएको हो । विहान ७ बजेर ९ मिनेटमा उहाँको निधन भएको अस्पतालले जनाएको छ ।
लामो समयदेखि प्रोस्टेट तथा मुटुको समस्याबाट पीडित जोशीमा कमजोरी देखिएपछि यही असोज ७ गते इमर्जेन्सीमा भर्ना गरी उपचार सुरू गरिएको थियो ।
उहाँमा डेङ्गु सङ्क्रमण, छातीमा निमोनियाको सङ्क्रमणका साथै मुटुको चालसम्बन्धी समस्या देखिएको र अक्सिजन स्याचुरेसन लेभल कमी भएको थियो ।
