काठमाडौँ । पूर्व राजा ज्ञानेन्द्र शाहले वाङमय शताब्दी पुरुष सत्यमोहन जोशीको स्वास्थ्य अवस्थाबारे चासो राख्नुभएको छ ।
मङ्गलबार पूर्वराजा शाहका स्वकीय सचिव सागरप्रसाद तिमिल्सिनाले जोशी उपचाररत किस्ट मेडिकल कलेज पुग्नुभई पूर्वराजाका तर्फबाट उहाँको स्वास्थ्यलाभको कामना गर्नुभएको छ ।
जोशीको मुटुको चालसम्बन्धी समस्या देखा परेकाले उहाँलाई आइसीयूमा राखेर उपचार सुरु गरिएको र अहिले उहाँको स्वास्थ्यमा क्रमिक सुधार आउन थालेको अस्पतालले जनाएको छ ।
