काठमाडौँ । नेकपा एमालेका नेता भीम रावलले पार्टीले उम्मेदवार नबनाएकोबारे भोलि आफ्नो धारणा सार्वजनिक गर्ने भएका छन् ।
अछाम–१ बाट सर्वसम्मत सिफारिसमा परेका रावलको ठाउँमा एमाले अध्यक्ष केपी शर्मा ओलीले झपट बोहरालाई उम्मेदवार बनाएका थिए ।
रावलले उसअघि पटक–पटक आफूलाई उम्मेदवार नबनाएको बारेमा उचित समयमा बोल्ने बताउँदै आएका थिए । उनले क्षेत्र, जिल्ला र प्रदेशबाट प्रतिनिधिसभा सदस्यको उम्मेदवारको रूपमा सर्वसम्मत एकल सिफारिस पर्दा पनि केन्द्रबाट अन्यायपूर्ण किसिमले हटाइएको उल्लेख गरेका छन् ।
भोलि बिहीवार कार्की ब्याङ्कवेटमा उनले पत्रकार सम्मेलनमार्फत आफ्नो धारणा सार्वजनिक गर्न लागेका हुन् ।
