काठमाडौं । लुम्बिनीमा रहेको चिनियाँ बौद्ध गुम्बा र हुइ चाउमा रहेको यान सियान एन्सिएन्ट टेम्पलका बौद्धमार्गीहरुका तर्फबाट स्वास्थ्य सामग्रीहरु सहायता गरिएको छ ।
बौद्ध गुम्बा र सो टेम्पलका तर्फबाट यहाँका विद्यार्थीहरुलाई ती सामग्रीहरु सहयोग गर्न लगाइएको थियो । यसका लागि प्राध्यापक लु बक्सियाङले पनि लु बान कोर्सका विद्यार्थीहरु सो सहयोगका लागि परिचालन गर्नुभएको थियो ।
प्राध्यापक लु, ती विद्यार्थीहरु र स्कुलले नेपाललाई विगत लामो समयदेखि सहयोग गर्दै आएका छन् । उनीहरुले नेपालमा विसं२०७२ मा आएको भूकम्पका समयमा पनि सहायता गरेका थिए ।
यस अवसरमा ३८ अक्सिजन मेसिन, तीन ओटा हाइपोक्लोर्स एसिड जडित स्वचालित डिस्इन्फेक्सन मेसिन, ६० ओटा एयर डिसइन्फेक्टेड सोलुसन्स आदि सहयोगस्वरुप उपलब्ध गराइएको छ ।
यसअघि पनि बुद्धिष्ट एसोसिएसन अन्तर्गतका चङहाउ र सेनचेन हङ्फा मन्दिरको च्यारिटी फाउन्डेसन तथा चिनियाँ बौद्ध गुम्बाहरुको संस्थाले नेपाललाई ठूलो मात्रामा सर्जिकल लगायतका मास्क र अन्य स्वास्थ्य सामग्री सहयोग गरेका थिए ।
नेपाल सरकारले जारी राखेको कोरोना महामारी नियन्त्रणको प्रयासमा सघाउने उद्देश्यले ती संस्थाहरुका तर्फबाट सहयोग उपलब्ध गराइएको छ ।
गत वर्षपनि चीनको बुद्धिस्ट एसोसिएसनका अन्तर्राष्ट्रिय सदस्य तथा लुम्बिनीमा रहेको चिनियाँ बौद्धगुम्बाका निर्देशक सि चोङयोङको सहयोगमा ती सामग्री नेपाल ट्रान्स हिमालयन सोसाइटीका अध्यक्ष प्रा डा . राजिवकुमार झालाई हस्तान्तरण गर्नुभएको थियो ।
