काठमाडौँ । पूर्वगृहमन्त्री गोविन्दराज जोशीले प्रतिनिधिसभाको प्रत्यक्षतर्फ तनहुँ १ बाट उम्मेदवारी दर्ता गराउनुभएको छ । उम्मेदवारी दर्ता गर्दै उहाँले सत्ता गठबन्धनको राजनीति अन्त्य गर्नका लागि आफूले उम्मेदवारी दिएको बताउनुभएको छ ।
भ्रष्टाचार मुद्दा लागेका जोशीले गठबन्धनको राजनीतिले व्यक्तिको अधिकार हनन भएको भन्दै यसका अन्त्यका लागि उम्मेदवारी दिएको बताउनुभयो ।
यसअघि २०७४ को निर्वाचनमा सोही क्षेत्रबाट नेपाली कांग्रेसका तर्फबाट उहाँले बागी उम्मेदवारी दिनुभएको थियो । उहाँका उम्मेदवारीका कारण कांग्रेसबाट टिकट पाएका नेता रामचन्द्र पौडेल नेकपा (एमाले) का तत्कालीन नेता कृष्णकुमार श्रेष्ठ (किसान) सँग पराजित हुनुभएको थियो ।
बागी उम्मेदवारी दिएर कांग्रेसका नेतालाई पराजित गर्न सहयोग पुर्याएको भन्दै कांग्रेसले उहाँलाई कारबाही गरेको थियो । त्यसयता उहाँ कुनै पनि दलमा आबद्ध हुनुहुन्छ । यसपटकको प्रतिनिधिसभाको निर्वाचनको प्रत्यक्षतर्फ नेता पौडेलले सोही निर्वाचन क्षेत्रबाट उम्मेदवारी दिँदै हुनुहुन्छ ।
